GAZTAREN BIDEA 1
Lizarrusti - Ordizia

Iraupena: 7ordu 30 min
Zailtasuna: handia
Desnibela: +919/-1405 m
Distantzia: 22,93 km
Bide zirkularra: ez
Abiapuntua: Lizarrusti Parketxea

Bide honek Lizarrusti eta Oria bailara lotzen ditu. Oso baliagarria da trena edo autobusa erabiltzen badugu Ordiziara joateko eta gero oinez Lizarrustiraino igo nahi badugu. Argi da bi norabideetan egin daitekeela. Ez da harana eta parketxe artean dagoen biderik motzena, baina bai, nahi izanez gero, Zaldibiara jaitsi gabe, Amondarain eta Intxustiko iturritik azkarrago eraman gintezkeen bidea baina interesgarriagoa.
Megalitoz betetako eremu karstiko batetik joango gara, artzainen ohiko ibilbidean. Batzuetan agertzen den arren, lur azpitik hanka azpian dugu, paisaia guztia moldatu duen elementua: ura. Bistakoa da hori Lareoko urtegi ederrean. Artaldeak nonahi ikus ditzakegu, larreetan bazkatzen, baita txabola batzuk ere. Oiduikoa da horren erakusgarri garbiena.
Ordiziara goaz, Gipuzkoako merkatu garrantzitsuenetakoa duen herrira. Irailaren hasieran ospatzen dute izen handia hartu duen gazta-enkantea eta apirilean artzainen mendira igotzearen ospakizuna.